Ուրոլոգիա

«Վարդանանց ստացիոնար»-ում իրականացվող ուրոլոգիական վիրահատություններին ծանոթացեք այստեղ։

Վարդանանց ստացիոնարում իրականացվում են ժամանակակից ուրոլոգիական վիրահատություններ՝ առանց ցավի, սթրեսի և երկար վերականգնման:

ՇԱԳԱՆԱԿԱԳԵՂՁԻ ԱԴԵՆՈՄԱ (ՏՈւՌ)

Շագանակագեղձի ադենոման առաջացնում է հաճախակի և դժվարացած միզարձակություն, միզահոսքի թուլացում։
Վարդանանց ստացիոնարում իրականացվում են շագանակագեղձի ադենոմայի հեռացում՝ էնդոսկոպիկ եղանակով՝ առանց կտրվածքների։ Տեւողությունը՝ 60 րոպե, հիվանդանոցում մնալը՝ ընդամենը 1–2 օր։ Վերականգնման շրջանը՝ 5-7 օր։

ԿԱՆԱՆՑ ԱՆՄԻԶԱՊԱՀՈւԹՅԱՆ ԲՈւԺՈՒՄ

40 տարեկանից հետո կանանց 40%-ը ունենում են անմիզապահություն,որը նվազեցնում է կյանքի որակը, առաջացնում է հոգեբանական և ֆիզիկական անհանգստություն։ Իրականում, ժամանակակից մեթոդները թույլ են տալիս ամբողջությամբ վերացնել խնդիրը։ Վարդանանց ստացիոնարում իրականացվում է սլինգային վիրահատություն, որը տևում է 30-40 րոպե՝ ապահովելով արագ վերականգնում և երկարատև արդյունք։

ՏՂԱՄԱՐԴԿԱՆՑ ԱՆՊՏՂՈՒԹՅԱՆ ԲՈՒԺՈՒՄ
Տղամարդկանց անպտղության պատճառ կարող է լինել վարիկոցելեն։

Վարդանանց ստացիոնարում իրականացվում է վիրահատական միջամտություն փոքր կտրվածքով՝ տեղային անզգայացմամբ։ Վիրահատությունից հետո վերականգնման տևողությունը կախված է մեթոդից, սակայն մեծ մասամբ՝
հիվանդը դուրս է գրվում վիրահատությունից 3 ժամ հետո։ Կյանքի սովորական ռիթմին վերադառնում է 1 օր հետո։ ֆիզիկական ծանրաբեռնվածությունն առաջարկվում է վերսկսել 3–4 շաբաթ անց։ Սերմի որակի բարելավումը նկատվում է 3–6 ամսվա ընթացքում։

ՄԻԶՈւԿԻ ԱՌԱՋՆԱՅԻՆ ՊԼԱՍՏԻԿԱ

Միզուկի նեղացումը կարող է առաջացնել ցավ, թուլացած միզահոսք և հաճախակի բորբոքումներ։ «Վարդանանց»-ում իրականացվում է ուրետրոպլաստիկա՝ բաց եղանակով՝ վերականգնելով միզուկի լիարժեք անցանելիությունը։ Վերականգնվում է նորմալ միզարձակումը։ Կանխվում են նեղացման կրկնությունները և քրոնիկ բորբոքումները։

ՄԻԶԱՊԱՐԿԻ ԵՎ ՇԱԳԱՆԱԿԱԳԵՂՁԻ ՀԵՌԱՑՈւՄ

Շագանակագեղձի և միզապարկի չարորակ ուռուցքների դեպքում իրականացվում է արմատական հեռացում։ «Վարդանանց»-ում վիրահատության ընթացքում միաժամանակ կատարվում է աղիքային պլաստիկա՝ աղիքից ձևավորելով նոր միզապարկ։ Մեկ վիրահատությամբ՝ լիարժեք լուծում, կյանքի որակի պահպանում։

ԱՌՆԱՆԴԱՄԻ ԷՆԴՈՊՐՈԹԵԶԱՎՈՐՈւՄ

Տղամարդկանց սեռական դիսֆունկցիայի դեպքում «Վարդանանց»-ում իրականացվում է առնանդամի էնդոպրոթեզավորում։ Սա ժամանակակից լուծում է, որը վերականգնում է տղամարդու ինքնավստահությունն ու սեռական կյանքի որակը։

ՈւՐՈԼՈԳԻԱԿԱՆ ԱՅԼ ՄԻՋԱՄՏՈՒԹՅՈՒՆՆԵՐ

Մենք նաև իրականացնում ենք սանձիկի պլաստիկա, թլիպի պլաստիկա, պոլիպների հեռացում (կանանց մոտ՝ միզուկի պոլիպներ), մեատոտոմիա (միզուկի արտաքին բացվածքի ընդլայնում), պարաֆիմոզի ուղղում և այլն։

Ուրոլոգիական օգնություն «Վարդանանց» ստացիոնարում
Հարմարավետություն։ Արդյունավետություն։ Հուսալիություն։
Եթե դուք բախվում եք միզարձակման, վերարտադրողական ֆունկցիայի կամ այլ ուրոլոգիական խնդիրների հետ՝ մի հետաձգեք։

«Վարդանանցում» Ձեզ սպասվում է ճշգրիտ ախտորոշում, անհատականացված բուժում և հոգատար մոտեցում՝ վերականգնման բոլոր փուլերում։