Ներդրողներին
«Վարդանանց»-ի սիրելի անձնակազմ ու այցելուներ, սիրելի երևանցիներ և համերկրացիներ, հարգելի գործարարներ և ֆինանսիստներ,
«Վարդանանց» նորարարական բժշկության կենտրոնը պատիվ ունի Ձեր ուշադրությանը ներկայացնելու «Վարդանանց» ՆԲԿ-ի կողմից թողարկված՝ 3 տարի ժամկետով, տարեկան 12% եկամտաբերությամբ պարտատոմսեր:
Սա Հայաստանում առաջին դեպքն է, երբ բժշկական հաստատությունը դուրս է գալիս ֆոնդային բորսա և ներգրավում է ֆինանսավորում` կապիտալի շուկայում։
«Վարդանանց»-ի բաժնետերերը՝ ի դեմս Լ. Ալթունյանի, Ա. Մելիքսեթյանի և «Ամբեր Կապիտալ» ներդրումային հիմնադրամի, որի հիմնադիր բաժնետերեր են հանդիսանում Եվրամիությունը և Վերակառուցման և Զարգացման Եվրոպական Բանկը (ՎԶԵԲ), ամենայն բծախնդրությամբ են մոտեցել տվյալ գործարքն առավել հուսալի և ներդրողների համար շահավետ դարձնելու համար:
Մենք անկեղծորեն հետաքրքրված ենք հնարավորինս լայն շրջանակի ներդրողներ ներգրավելու համար, որպեսզի ավելի արագ տեմպերով ապահովենք «Վարդանանց»-ի զարգացումը: Ստանալով կայուն եկամուտ՝ Դուք միաժամանակ աջակցում եք նորարարական տեխնոլոգիաների ներդրմանն ու բուժառուների համար առավել մատչելի և որակյալ առողջապահական ծառայությունների ստեղծմանը։ Առանձնահատուկ ցանկանում ենք նշել, որ մենք հպարտ կլինենք վճարվելիք երաշխավորված տարեկան տոկոսադրույքի հաշվին մեր լուման ունենալ Ձեր բարեկեցությանն աջակցելուն՝ ի շահ Ձեր բիզնեսի և Ձեր ընտանիքի:
Սկսելով մեր համագործակցությունը՝ հավաստիացնում ենք, որ սա միայն սկիզբն է․ բժշկագիտությունն ամենադինամիկ զարգացող ոլորտներից է և մեր համատեղ առաքելությունն է՝ դիմակայել բնության մարտահրավերներին:
Պարտատոմսերի առաջին տրանշը թողարկվել է սահմանափակ քանակով, ուստի, ձևակերպեք հայտն այսօր` դիմելով պարտատոմսերի տեղաբաշխող և վաճառքի գործընկեր Կոնվերս Բանկին։
Ինչպես ձեռք բերել՝
- մոբայլ հավելվածի միջոցով,
- այցելելով Բանկի ցանկացած մասնաճյուղ,
- Բանկի կայքից ներբեռնելով և լրացնելով հայտը:
Վստահ ենք՝ սա մեր համագործակցության նոր փուլն է՝ ի նպաստ բժշկագիտությանը և Ձեր ֆինանսական առաջխաղացմանը։
ՎԱՐԴԱՆԱՆՑԻ մասին ավելին՝
«ՎԱՐԴԱՆԱՆՑ» ՆԲԿ-ի («ԱՐԻՆՏԵՐԼԵՎ» ՓԲԸ) ԿՈՂՄԻՑ ԹՈՂԱՐԿՎԱԾ ՀՀ ԴՐԱՄՈՎ ՊԱՐՏԱՏՈՄՍԵՐ
ՀՀ Կենտրոնական բանկի նախագահի 26/02/2025թ. N 1/63 Ա որոշման համաձայն՝ գրանցվել է «Վարդանանց» ՆԲԿ-ի («ԱՐԻՆՏԵՐԼԵՎ» ՓԲԸ) կողմից թողարկված պարտատոմսերի ծրագրային ազդագիրը:
«Կոնվերս Բանկ» ՓԲԸ-ն հանդիսանում է պարտատոմսերի տեղաբաշխողը:
Թողարկված պարտատոմսերի տեղաբաշխումն իրականացվելու է 2025 թվականի ապրիլի 1-ից՝ ժամը 09:30-ից մինչև 2025 թվականի հուլիսի 1-ը՝ ժամը 16:30-ն:
Պարտատոմսերի ծրագրային ազդագիր
Հայերեն 
Русский 
English