Թերապիա | Ընտանեկան բժշկություն

Թերապևտը կամ ընտանեկան բժիշկը հաճախ առաջին մասնագետն է, որին դիմում եք առողջության հետ կապված հարցերի դեպքում։

Խորհրդատվության ընթացքում գնահատվում է ձեր ընդհանուր առողջական վիճակը, ուսումնասիրվում են գանգատները և որոշվում հետագա քայլերը։ Անհրաժեշտության դեպքում նշանակվում են հետազոտություններ և բուժում կամ տրվում է ուղղորդում համապատասխան մասնագետի մոտ։

Թերապևտը նաև իրականացնում է առողջության շարունակական հսկողություն՝ հետևելով ձեր առողջական վիճակին և բուժման ընթացքին։ Պլանավորվում են նաև կանխարգելիչ հետազոտություններն ու պատվաստումները։

Թերապևտի տնային այց

Վարդանանցի թերապևտները խորհրդատվություն և բժշկական օգնություն են տրամադրում նաև տանը։ Տնային այցը հարմար լուծում է, երբ առողջական վիճակի պատճառով դժվար է այցելել բժշկական կենտրոն կամ նախընտրում եք բժշկական ծառայությունները ստանալ տանը։

Այցի ընթացքում բժիշկը կատարում է զննում, գնահատում ձեր ընդհանուր վիճակը և որոշում հետագա քայլերը։

Տանը կարող են իրականացվել նաև՝

• ուլտրաձայնային հետազոտություն,
• էլեկտրասրտագրություն,
• արյան նմուշառում,
• ներերակային կաթիլային ներարկում,
• ներերակային ներարկում,
• միջմկանային ներարկում,
• բերանի խոռոչից և քթըմպանից նմուշառում՝ մանրէաբանական հետազոտության համար,
• մեզի նմուշի տեղափոխում լաբորատորիա՝ ընդհանուր, կլինիկական և մանրէաբանական հետազոտությունների համար։

Տնային բուժօգնության համար կարող եք օգտվել նաև «Բուժվիր տանը» փաթեթից։