Շնչառական ուղիների (շնչափող, բրոնխներ), թոքերի և թոքամզի հիվանդությունների բուժմամբ է զբաղվում թոքաբանը կամ ռեսպիրատոր բժիշկը:

«Վարդանանց»-ի թոքաբանության ծառայությունը Ձեզ կօգնի հաղթահարել և հսկողության տակ պահել բրոնխների և թոքերի հիվանդությունները` աշխարհում ընդունված բուժման նորագույն ուղեցույցներով, ժամանակակից հետազոտությամբ՝ բրոնխոսկոպիայով։

Թոքաբանին անհրաժեշտ է դիմել հետևյալ խնդիրների և ախտորոշումների դեպքում՝

• քրոնիկ կամ ձգձգված հազ
• սուր և քրոնիկ բրոնխիտ
• թոքաբորբ
• թոքերի քրոնիկ օբստրուկտիվ հիվանդություն (COPD)
• բրոնխիալ ասթմա (BA)
• թոքամզի հիվանդություններ (պլևրիտներ)
• թոքերի ինտերստիցիալ հիվանդություններ
• սարկոիդոզ
• բրոնխէկտատիկ հիվանդություն
• բրոնխիոլիտ
• թոքերի հիվանդությունների հետվիրահատական հսկողություն և վերականգնում։

Թոքաբանի խորհրդատվությունից բացի անհրաժեշտ հետազոտությունները մեզ մոտ կատարվում են լավագույն սարքավորումներով (Olympus BF-H1100), այդ թվում՝

• կրծքավանդակի ռենտգեն
• համակարգչային շերտագրում (КТ)՝ կոնտրաստավորմամբ և առանց դրա
• թոքերի ՈւՁՀ և սպիրոմետրիա՝ բրոնխալայնիչ փորձով:

Մենք առաջարկում ենք նաև թոքային վերականգնողական և ֆիզիոթերապևտիկ բուժիչ միջոցառումների իրականացում:

Շուտով հասանելի կլինի նաև ախտորոշիչ և բուժական բրոնխոսկոպիկ ծառայությունը, հրավիրված կրծքային վիրաբույժի խորհրդատվությունը:

Մեր թոքաբանների կողմից նշանակվող բուժումը հնարավոր է իրականացնել ամբուլատոր, ցերեկային ստացիոնար և ստացիոնար պայմաններում:

Գրանցվելու համար զանգահարեք +𝟑𝟕𝟒 (𝟏𝟏) 𝟓𝟗 𝟐𝟏 𝟎𝟎 համարով։