«Վարդանանց» նորարարական բժշկության կենտրոնի ցավազրկման կլինիկան կապահովի Ձեր ֆիզիկական և հոգեկան հարմարավետությունը, եթե ցավը դարձել է Ձեր կյանքի ոչ ցանկալի ուղեկիցը։

Չէ որ ցավը, բացի ֆիզիկական սուր զգացողությունից, խանգարում է մարդու աշխատանքային գործունեությանը, խաթարում առօրյա կյանքն ու շփումները, քունը։ Այն ակնհայտորեն նվազեցնում է կյանքի որակը։

Ե՞րբ դիմել՝

• արտահայտված ցավային համախտանիշով ուռուցքային հիվանդություն
• հոդերի դեգներատիվ-դիստրոֆիկ փոփոխությունների հետևանքով առաջացած ցավային համախտանիշեր, հետվիրահատական շրջանի ցավեր
• վերջույթների անոթային բնույթի ցավային համախտանիշեր
• լարվածության գլխացավեր, միգրեն, կլաստերային գլխացավ, ստորին գոտկացավեր։

Անեսթեզիոլոգ Ռեմի Հակոբյանն անհրաժեշտ դեղորայքային և ժամանակակից միջամտություններ կիրականացնի՝

• սուր և քրոնիկ ցավի առավելագույն երկարատև և անվտանգ ցավազրկում
• սուր և քրոնիկ ցավի կրկնակի առաջացման (ախտադարձի) կանխարգելում շարունակական հսկողության և անհատական մշակված դեղորայքային սխեմաների շնորհիվ։

Ցավի փորձառու մասնագետը կկատարի՝

• խորհրդատվություն
• ցուցման դեպքում ուղղորդում համապատասխան մասնագետի մոտ բուժման
• ծայրամասային բլոկադաներ (պաշարումներ), ողնուղեղային կամ էպիդուրալ ցավազրկում, քիմիական դեներվացիա
• ողնաշարային ներարկումներ ուլտրաձայնի վերահսկողությամբ
• ուսագոտու բլոկադա
• ռեֆլեքսոգեն կետերի բլոկադաներ
• խոշոր նյարդերի, նյարդային հյուսակների և հանգույցների բլոկադա։

Արդյունքում՝ ֆիզիկական և հոգեկան հարմարավետությունը հնարավորություն կտա Ձեր օրգանիզմի ռեսուրսներն ուղղել հիվանդության բուն պատճառի դեմ պայքարին։

Ունե՞ք այս ծառայության կարիքը։ Զանգահարե՛ք +374 (11) -59-21-00 համարով և գրանցվեք մասնագետի մոտ։

«Վարդանանց» ՆԲԿ-ի փորձառու անեսթեզիոլոգներն աշխատում են աշխարհի լավագույն մեթոդներով և մոտեցումներով։