Նյարդաբանություն

Նյարդաբանին դիմելու պատճառները բազմազան են։ Պետք է դիմել նյարդաբանին, եթե ունեք՝

• տարբեր բնույթի գլխացավեր
• դիմային ցավ
• գլխապտույտ
• ողնաշարի տարածուն ցավեր
• քայլքի և հավասարակշռության խանգարում
• անքնություն, հիշողության խանգարում
• խոսքի և կլման ակտի դժվարացում
• քրոնիկ հոգնածություն
• ձեռքերի և ոտքերի թուլություն, թմրածություն և այլն։

Այս բոլոր խնդիրների պատճառները ևս բազմազան են՝ սկսած կենսակերպից, ուղեկցող հիվանդություններից, ժառանգական նախատրամադրվածությունից մինչև սթրեսային գործոններ։ Հաճախ միայն հմուտ նյարդաբանի զննումը բավարար է լինում պատճառի հստակեցման համար, երբեմն էլ կարիք է լինում կատարել լաբորատոր և գործիքային հետազոտություններ։

«Վարդանանց» նորարարական բժշկության կենտրոնը հագեցած է այդ հետազոտություններն անցկացնելու համար անհրաժեշտ վերջին սերնդի սարքավորումներով։

Նյարդաբանական ծառայությունը ներառում է նաև տրանսկրանիալ և պարանոցի մագիստրալ անոթների դոպլերոգրաֆիան և ցավի կլինիկան։

Տրանսկրանիալ և պարանոցի մագիստրալ անոթների դոպլերոգրաֆիան կիրառվում են գլխապտույտների, գլխացավերի, անոթային մի շարք խնդիրների դեպքում։

Նյարդաբանական խնդիրների մեծ մասն ուղեկցվում է քրոնիկ ցավային համախտանիշով, ինչը էականորեն ազդում է բուժառուի կյանքի որակի վրա։ Հետևաբար, վերջինիս արդյունավետ կառավարումը մեր հիմնական նպատակներից է։

Մեր նյարդաբանները, համադրելով զննման տվյալները և հետազոտության արդյունքները, կգտնեն Ձեր խնդրի պատճառը, կմշակեն բուժման անհատական պլան և կապահովեն կյանքի առավել լավ որակ։