Համակարգչային շերտագրում

Հիվանդությունների ճշգրիտ ախտորոշումը բժշկության հիմքն է և արդյունավետ բուժման երաշխիքը:

Ախտորոշման արդի մեթոդներն անսահմանափակ հնարավորություններ են ստեղծում՝ ապահովելով ոչ միայն խնդիրների վաղ հայտնաբերում, այլև բազմաթիվ հիվանդությունների զարգացման ռիսկերի ճշգրիտ կանխորոշում:

Երևանի Վարդանանց 18/1 հասցեում մեր այցելուներին այս ծառայությունը մատուցվում է SIEMENS Healthineers SOMATOM go. UP համակարգչային շերտագրման վերջին սերնդի սարքով, որի կողմնակի ազդեցությունները հասցված են նվազագույնի` ապահովելով բազմապրոֆիլ հետազոտությունների և ճշգրիտ ախտորոշման լայնածավալ հնարավորություն:

Կոնտրաստով ՀՇ հետազոտություն անցնելուց առաջ պարտադիր է իմանալ.

• արդյո՞ք առկա է յոդի նկատմամբ ալերգիա
• եթե մեթֆորմին կամ Լ-թիրոքսին եք ընդունում, ապա հետազոտության օրը նշված դեղերը չի կարելի ընդունել
• հետազոտությունից առաջ (ցանկալի է հետազոտման օրը կամ հետազոտությունից 1-2 օր առաջ), ստուգել արյան մեջ կրեատինինի մակարդակը։

Հավատարիմ մնալով բնակչությանը որակյալ բուժօգնություն մատուցելու իր առաքելությանը, «Վարդանանց» նորարարական բժշկության կենտրոնը 2019թ. մարտից գործում է Սևանի բժշկական կենտրոնում` ճապոնական արտադրության TOSHIBA Aquilion Prime 160 շերտ սկանավորման հնարավորությամբ համակարգչային շերտագրման սարքի օգնությամբ՝ Գեղարքունիքի մարզի բնակչությանը մատուցելով նախկինում անհասանելի բժշկական ծառայությունը։