Սրտաբանություն

Առողջ սիրտ՝ երջանիկ կյանք

Ձեր սիրտն արժանի է լավագույնին

«Վարդանանց» նորարարական բժշկության կենտրոնում մենք հոգում ենք Ձեր սրտի առողջության մասին՝ համատեղելով մասնագիտական բարձր որակները, նորագույն տեխնոլոգիաները և անկեղծ ձգտումը՝ տեսնել Ձեզ առողջ ու երջանիկ: Մեր սրտաբանական ծառայությունում Դուք կարող եք անցնել ամենաժամանակակից հետազոտությունները՝ հասկանալու, թե ինչպես է աշխատում Ձեր սիրտը։

Պսակաձև անոթների ստենտավորում՝ նոր կյանք Ձեր սրտի համար

Երբ Ձեր սրտին անհրաժեշտ է օգնություն, մենք առաջարկում ենք նորարարական լուծումներ։ Կորոնար և ծայրամասային զարկերակների ստենտավորումը՝ արյան հոսքը վերականգնելու և լիարժեք կյանք վերադառնալու մեթոդ է։

Ինչո՞ւ է դա կարևոր՝

• իրականացվում է արագ և նվազագույն միջամտությամբ, ինչը նշանակում է ավելի քիչ ցավ և ավելի արագ վերականգնում
• տեղադրվում են նորագույն ստենտներ՝ միջազգային ստանդարտներին համապատասխան
• արդյունքը՝ Դուք կրկին զգում եք թեթևություն և վստահություն՝ իմանալով, որ Ձեր սիրտն աշխատում է ճիշտ այնպես, ինչպես պետք է։

Հետազոտություններ՝ Ձեր սրտի համար

• Էլեկտրասրտագրություն (ԷՍԳ). մեթոդ, որը «լսում» է Ձեր սրտի ռիթմը՝ օգնելով հայտնաբերել հնարավոր խնդիրները։
• Էխոսրտագրություն. մեր առաջադեմ Philips, GE Healthcare Vivid T9 և Versana սարքերը թույլ են տալիս «նայել» սրտի ներսը՝ մանրամասն բացահայտելով դրա աշխատանքի յուրաքանչյուր դետալ։
• Հոլտեր մոնիթորինգ. սրտի աշխատանքի շուրջօրյա հսկում և գրանցում, մինչ դուք զբաղված եք Ձեր առօրյա գործերով։
• Տրեդմիլ թեստ (սթրես թեստ). սրտի աշխատանքի, ֆունկցիոնալ մի շարք ցուցանիշների, սրտամկանի արյունամատակարարման գնահատումն է ֆիզիկական ծանրաբեռնվածության ժամանակ՝ վազքուղու վրա։
• Զարկերակների դուպլեքս սքանավորում. արյան հոսքի ճշգրիտ վերլուծություն՝ զարկերակների ամենափոքր խնդիրները բացահայտելու համար։
• Լաբորատոր հետազոտություններ. խոլեստերինի, շաքարի և այլ կարևոր ցուցանիշների գնահատում, որոնք կօգնեն Ձեր բժշկին գնահատել սրտանոթային հիվանդություն և պատահար ունենալու Ձեր ռիսկերը։

Առողջ սիրտը Ձեր էներգիան է, Ձեր երջանկությունը, Ձեր կյանքը։

Գրանցվեք խորհրդատվության հենց հիմա, որպեսզի կատարեք Ձեր առաջին քայլը դեպի երկար, առողջ և ակտիվ կյանք։

Զանգահարե՛ք +𝟑𝟕𝟒 (𝟏2) 𝟓𝟗 𝟐𝟏 𝟎𝟎. հեռախոսահամարով