Վնասվածքաբանություն և օրթոպեդիա

Ունե՞ք վերջույթների, ողնաշարի ցավ, հոդերի շարժումների սահմանափակում, ոտնաթաթերի հոգնածություն։ Գուցե կեցվածքի շեղումնե՞րն են անհանգստացնում․ դիմեք «Վարդանանց»-ի բժիշկ օրթոպեդ-վնասվածքաբաններին։

Ժամանակակից օրթոպեդիան արագ է զարգանում, և բոլոր այն միջամտությունները, որոնք նախկինում միայն հիվանդանոցում էին իրականացվում, այժմ ըստ միջազգային ստանդարտների՝ կատարվում են ամբուլատոր պայմաններում։ Արդյունքում Դուք խնայում եք Ձեր ժամանակն ու հիվանդանոցային ծախսերը։

«Վարդանանց» ՆԲԿ-ի վնասվածքաբանության և օրթոպեդիայի ծառայությունում իրականացվում են՝

• բոլոր տեսակի ներհոդային/հարհոդային ներարկումներ՝ սոնոգրաֆիկ հսկողությամբ՝ ապահովելով ներարկման ճշգրտությունը
• հոդախախտերի, կոտրվածքների ուղղում և անշարժացում՝ թերմապլաստիկ օրթեզներով
• ոտնաթաթերի անհատական օրթոպեդիկ ներդիրների պատրաստում

(առաջին հերթին կատարվում է ճշգրիտ ախտորոշում, հայտնաբերվում են ոտնաթաթի սխալ ծանրաբեռնված հատվածները, դեֆորմացիաները։ Այնուհետև օրթոպեդիկ ներդիրը պատրաստվում է՝ ելնելով բուժառուի կարիքներից: Ներդիրը պատրաստվում է 15-20 րոպեի ընթացքում։ Հետագա բուժման ընթացքը հսկվում է բժշկի կողմից)։

• պլազմայի թրոմբոցիտներով հարուստ զանգվածի ներարկումներ (PRP թերապիա)

(նպաստում են վնասվածքի օջախում վերականգնողական պրոցեսների ակտիվացմանը։ Ներարկումը լիովին անվտանգ է, չի առաջացնում ալերգիկ ռեակցիաներ, քանի որ ստացվում է հիվանդի արյունից)։

• դաստակի շրջանի վիրահատական միջամտություններ (կարպալ թունելի համախտանիշ, շրխկացող մատ, փոքր մետաղական կոնստրուկցիաների հեռացում)
• հարողնաշարային բլոկադաներ։

Զանգահարե՛ք +374 (11) 59 21 00 հեռախոսահամարով և գրանցվեք։