Վիրաբուժություն

«Վարդանանց»-ի «Նանսեն» մասնաճյուղի վիրաբուժական ժամանակակից ծառայությունում հասանելի է բարձրակարգ բուժում և արագ ապաքինում ապահովող վիրահատական միջամտությունների ողջ ծավալը:

Վիրաբուժության հիմնական ուղղություններն են՝

• ընդհանուր վիրաբուժություն — ուռուցքների, ճողվածքների և այլ հիվանդությունների արդյունավետ բուժում՝ անհատականմոտեցմամբ
• Էնդոսկոպիկ վիրահատություններ — նվազ ինվազիվ մեթոդով ընթացող միջամտություններ, որոնք նպաստում են արագ ապաքինմանը
• ուրոլոգիա — միզուղիների և տղամարդու վերարտադրողական համակարգի հիվանդությունների բուժում
• օրթոպեդիկ վիրաբուժություն — հենաշարժողական համակարգի խախտումների շտկում, ներառյալ՝ արթրոսկոպիա
• կորոնար և ծայրամասային զարկերակների ստենտավորում — արյան հոսքի վերականգնում` նորագույն տեխնոլոգիաներով:

Ծառայությունների արժեքը ներառում է լրացուցիչ բաղադրիչներ՝ բուժառուների հարմարավետության և հանգստության համար՝

• երեքանգամյա սնունդ՝ ռեստորանի ճաշացանկով՝ երկու ուտեստների ընտրության հնարավորությամբ, վերականգնողական շրջանում համեղ և հավասարակշռված սննդի ապահովման համար
• հիվանդանոցային հագուստ և դեղամիջոցներ՝ հետվիրահատական բուժման համար
• ծառայությունների ամբողջական ցիկլ՝ ամբուլատոր հետազոտությունից մինչև հետվիրահատական դիսպանսերում բուժում և վերականգնողական թերապիա, ներառյալ՝ ֆիզիոթերապիա, կինեզիոթերապիա, անհրաժեշտության դեպքում՝, հոգեբանի ծառայություն
• հեռավար խորհրդատվություն՝ բուժող բժշկի հետ կապի հնարավորությամբ:

Մեր վիրաբույժների թիմը վերապատրաստվել է Եվրոպայի և ՌԴ լավագույն կլինիկաներում ու սիմուլյացիոն կենտրոններում, ինչը թույլ է տալիս կիրառել նորագույն մեթոդներն ու ապահովել խնամքի միջազգային ստանդարտները։ Օպերացիոն միջին բուժանձնակազմը վերապատրաստվել է Մոսկվայի Սկլիֆոսովսկու անվան շտապօգնության գիտահետազոտական ինստիտուտում՝ ստանալով բարձր որակավորումը հաստատող վկայականներ:

Վիրահատություններ` նորագույն սարքավորումներով

Մենք օգտագործում ենք ժամանակակից սարքավորումներ, որոնք համապատասխանում են Հյուսիսային Ամերիկայի և Եվրոպայի առաջատար կլինիկաների պահանջներին։ Դա երաշխավորում է բոլոր փուլերի ապահով և որակյալ իրականացում՝ առավելագույն արդյունավետությամբ:

Մենք առաջարկում ենք անհատական մոտեցում յուրաքանչյուր բուժառուին, ժամանակակից բուժում, ինչպես նաև համալիր լուծումներ բոլոր փուլերում՝ խորհրդատվությունից մինչև վերականգնում։

«Վարդանանց» բժշկական կենտրոնի «Նանսեն» մասնաճյուղում Դուք կգտնեք Ձեր առողջության անվտանգ և արդյունավետ լուծումներ։

«Վարդանանց»-ի Կենտրոնական և «Քոչար» մասնաճյուղերում մատուցվում են վիրաբուժական հետևյալ ծառայությունները։

• որովայնի խոռոչի պունկցիա
• մակերեսային տեղակայմամբ մեծ և փոքր փափուկ հյուսվածքների հեռացում
• մակերեսային վերքի վիրաբուժական առաջնային մշակում, կարում, մոտեցնող վիրակապի տեղադրում
• ներաճած եղունգի բուժում
• եղունգի ամբողջական հեռացում
• ցանկացած տեսակի վիրակապություններ։

Վիրաբուժական բոլոր գործողություններն իրականացվում են վիրաբույժի առաջնային խորհրդատվությունից, բժշկի կողմից ցուցված հետազոտություններից հետո:

Միջամտությունները կատարվում են տեղային անզգայացմամբ՝ Ձեզ մատուցելով անվտանգ ու բարձրորակ բժշկական ծառայություններ և, իհարկե՝ հարմարավետություն։

Վիրաբույժի խորհրդատվության համար զանգահարեք +𝟑𝟕𝟒 (𝟏𝟏) 𝟓𝟗 𝟐𝟏 𝟎𝟎 համարով: