Հոգեբուժություն

Հոգեթերապիա և հոգեբուժություն Վարդանանցում

Վարդանանցում հոգեկան առողջության ծառայությունները ներառում են անհատական հոգեթերապիա և հոգեբույժի խորհրդատվություն, իսկ անհրաժեշտության դեպքում՝ նաև դեղորայքային բուժում։

Մասնագիտական օգնության ձևն ընտրվում է անհատապես՝ հաշվի առնելով մարդու գանգատները, վիճակը և կարիքները։

Հոգեթերապիա

Հոգեթերապիան օգնում է հասկանալ, թե ինչն է անհանգստացնում ձեզ, ինչպես է դա ազդում ձեր մտքերի, հույզերի և վարքի վրա և ինչպես կարելի է ավելի լավ կառավարել այդ դժվարությունները։

Հոգեթերապևտին կարող եք դիմել, եթե ձեզ անհանգստացնում են՝

• մշտական լարվածությունը,
• տագնապային խանգարումները,
• տրամադրության անկումը,
• վախերը,
• քնի դժվարությունները,
• սթրեսը,
• հարաբերությունների հետ կապված խնդիրները,
• կյանքի փոփոխություններին հարմարվելու դժվարությունները։

Թերապիայի ընթացքում մասնագետը ձեզ հետ միասին սահմանում է աշխատանքի նպատակները և ընտրում համապատասխան մոտեցումը։ Թերապիայի տևողությունը նույնպես անհատական է։

Հոգեբուժություն

Հոգեբույժը գնահատում է հոգեկան առողջության վիճակը և ընտրում բուժման անհատական մոտեցումը։

Խորհրդատվության ընթացքում նա գնահատում է գանգատները, դրանց տևողությունն ու ազդեցությունը մարդու կյանքի վրա։ Հաշվի է առնում նաև ընդհանուր առողջական վիճակը, ընդունվող դեղերը և այլ գործոններ, որոնք կարող են կապված լինել ախտանշանների հետ։

Հոգեբույժը կարող է նշանակել հետազոտություններ և դեղորայքային բուժում։ Նա

հետևում է բուժման ընթացքին և անհրաժեշտության դեպքում վերանայում այն։

Հոգեբույժին պետք է դիմել, երբ նկատում եք տրամադրության, քնի կամ վարքի զգալի փոփոխություններ։ Հատկապես, եթե դրանք երկար են պահպանվում և խանգարում են առօրյային, աշխատանքին, ուսմանը կամ հարաբերություններին։

Հոգեթերապիան և դեղորայքային բուժումը կարող են նաև համադրվել։

Գրանցում՝ 012 59 21 00