Հոդվածներ

Ուրախությամբ տեղեկացնում ենք Երևանում մեր նոր մասնաճյուղի բացման մասին։

Բարի գալուստ «Վարդանանց-Նանսեն»

Ի լրումն «Վարդանանց»-ի ավանդական` որակյալ պոլիկլինիկական ծառայությունների, այստեղ մատուցվելու են նաև հիվանդանոցային լայն սպեկտրի ծառայություններ։

Բազմապրոֆիլային վիրահատարան՝ հագեցած նորագույն սարքավորումներով, ամենատարբեր՝ գինեկոլոգիական, պլաստիկ, ՔԿԱ, ուրոլոգիական և այլ վիրահատություններ կատարելու համար։

Կարդիոինվազիվ լաբորատորիա՝ մեր կլինիկայի սիրտը՝ համալրված վերջին սերնդի General Electric անգիոգրաֆ սարքով՝ ստենտավորումներ և անգիոգրաֆիաներ կատարելու համար։

Ինտենսիվ թերապիայի և վերակենդանացման բաժանմունք․ սա մի վայր է, որտեղ կյանքի և առողջության համար պայքարում են աննախադեպ ինտենսիվությամբ։

Իսկ այժմ «Վարդանանց-Նանսեն»-ը գործում է առաջին հերթին որպես տեղամասային պոլիկլինիկա, որտեղ կարող եք հաշվառվել և օգտվել պետության կողմից երաշխավորված անվճար բժշկական ծառայություններից՝ առանց հերթի, փորձառու և հոգատար բուժանձնակազմի կողմից, հարմարավետ պայմաններում, լավագույն սարքավորումներով։

Ի՞նչն է մեր առանձնահատկությունը

Փորձառու բժիշկների թիմ․ մեր գլխավոր հպարտությունն է։ Մասնագետներն աշխատում են ապացուցողական բժշկության վրա հիմնված գործելակարգերով՝ ապահովելով արդյունավետ և ճշգրիտ ախտորոշում ու բուժում։

Նորագույն սարքավորումներ․ ախտորոշման և բուժման համար կիրառում ենք միայն վերջին սերնդի նորագույն սարքավորումեր։

Անհատական մոտեցում․ մենք մշակում ենք բուժման անհատական ծրագրեր՝ հաշվի առնելով Ձեր անհատական կարիքները։

Հարմարավետություն․ ստեղծվել են բոլոր պայմանները, որ Դուք Ձեզ հարմարավետ և հանգիստ զգաք։

Այս ամենը հասանելի է մեկ վայրում՝ Ձեր հարևանությամբ։

Որտե՞ղ ենք մենք գտնվում

Գայի արձանի մոտ (Գայի 10/7)

Ինչպե՞ս գրանցվել

Կարող եք մոտենալ և տեղում լրացնել հայտը կամ զանգահարել + 374 11 59 21 00 համարով։

Այցելեք և զգացեք բժշկական ծառայությունների «Վարդանանց»-ի որակը։