Հոդվածներ

Իրական դեպք

Բուժառուն դիմեց «Վարդանանց» նորարարական բժշկության կենտրոն՝ դեմքի ձախ հատվածի ցավերով, ծանրության զգացումով և քթային արտադրությամբ։ Հետազոտության ընթացքում պարզվեց՝ ձախ հայմորյան խոռոչում առկա էր օտար մարմին (պլոմբանյութ), իսկ քթի միջնապատի շեղումը փակել էր այդ խոռոչի բացվածքը։

Վարդանանցում կատարվեց սեպտոպլաստիկա՝ էնդոսկոպիկ վիրահատություն, հեռացվեց օտար մարմինը։ Վիրահատությունից հետո շնչառությունը վերականգնվեց, բորբոքային գործընթացները՝ վերացան։

📌 Այս դեպքը վկայում է, որ քթի միջնապատի շեղումը կարող է ոչ միայն խանգարել նորմալ շնչառությանը, այլև բարդությունների պատճառ դառնալ։

Ինչո՞ւ է կարևոր քթի միջնապատի ուղղումը

Քթի միջնապատը բաժանում է քթանցքները։ Երբ այն ուղիղ է՝ օդը հոսում է ազատ և հավասարաչափ։ Երբ շեղված է, մեկ կողմը նեղանում է, շնչելը՝ դժվարանում, ինչը կարող է հանգեցնել բորբոքումների, թթվածնի պակասի, գլխացավերի և խռմփոցի։

Ե՞րբ դիմել բժշկին

✔ Շնչառության մշտական դժվարություն
✔ Խռմփոց
✔ Հաճախակի սինուսիտներ
✔ Քթի կրկնվող արյունահոսություններ
✔ Ֆունկցիոնալ և գեղագիտական խնդիրների համակցում։

Ի՞նչ է սեպտոպլաստիկան

• Սեպտոպլաստիկան վիրահատություն է, որի միջոցով ուղղվում է քթի շեղված միջնապատը։
• Տևում է մոտ 40–60 րոպե
• Կատարվում է անզգայացման պայմաններում
• Վերականգնման շրջանը՝ 1–2 շաբաթ
• Չի փոխում քթի տեսքը, եթե չի համակցվում ռինոպլաստիկայի հետ։

Քթի միջնապատի շեղումը միայն անհարմարություն չէ․ այն կարող է հանգեցնել քրոնիկ բորբոքումների, վատ քնի և թթվածնային անբավարարության, ինչն ազդում է կյանքի որակի վրա։ Սեպտոպլաստիկան նորմալ շնչառությունը վերականգնելու և առողջությունը վերականգնելու արդյունավետ և անվտանգ լուծում է։

Ունե՞ք նման խնդիրներ։

Զանգահարեք և ամրագրեք Ձեր այցը «Վարդանանց» բժշկական կենտրոնի ՔԿԱ վիրաբույժ

Արթուր Պողոսյանի մոտ՝ 📞 011 59 21 00։