Հոդվածներ

Ծնողները միշտ ցանկանում են իրենց երեխաներին առողջ և երջանիկ տեսնել, սակայն երբեմն նույնիսկ ամենաուշադիր մայրիկներն ու հայրիկները կարող են չնկատել օրգանիզմի առաջին ազդանշանները։ Ներզատական (էնդոկրին) համակարգի խանգարումները կարող են անմիջապես չարտահայտվել, մինչդեռ դրանց վաղ հայտնաբերումն օգնում է խուսափել լուրջ բարդություններից։ Ուրեմն՝ ինչի՞ն պետք է ուշադրություն դարձնել։

Խորհուրդներ՝ «Վարդանանց»-ի մանկական ներզատաբան Սուսաննա Ավետիսյանից։

1. Քաշի խնդիրներ – եթե երեխան ունի ավելորդ քաշ կամ քաշի քիչ ավելացում։
2. Կարճահասակություն – երեխայի մոտ նկատվում է ցածր հասակ կամ աճի դանդաղում։
3. Շաքարային դիաբետի ախտանիշներ – հաճախակի միզարձակում, մշտական ծարավ, բերանի չորություն՝ զուգորդված քաշի կտրուկ կորստով։
4. Մշտական հոգնածություն – եթե երեխան անընդհատ քնկոտ է, արագ է հոգնում, նյարդային է։
5. Մաշկի խնդիրներ – մաշկի չորություն կամ գերքրտնարտադրություն։
6. Աղջիկների վաղ կամ ուշ սեռական հասունացում՝
   • երբ մինչև 8 տարեկան աղջիկների մոտ նկատվում է կրծքագեղձերի մեծացում, թևատակերի կամ շեքի շրջանի մազերի աճ
   • երբ 13 տարեկանը լրացած աղջիկների մոտ բացակայում են վերը նշված նշանները։
7. Տղաների վաղ կամ ուշ սեռական հասունացում՝
   • երբ մինչև 9 տարեկան տղաների մոտ նկատվում է ամորձիների մեծացում, փոշտի գույնի մգացում, թևատակերի կամ շեքի շրջանի մազերի աճ
   • երբ 14 տարեկանը լրացած տղաների մոտ բացակայում են վերը նշված նշանները։
8. Աղջիկների մոտ մազերի անհարկի աճ – աղջկա մոտ մազերի աճ է նկատվում դեմքի, կզակի, կրծքավանդակի, որովայնի կամ մեջքի շրջանում։
9. Դաշտանային ցիկլի խանգարումներ – եթե 16 տարեկանը լրացած աղջկա մոտ բացակայում է դաշտանային ցիկլը կամ արդեն 2 տարի դաշտանային ցիկլ ունեցող աղջկա մոտ այն շարունակաբար անկանոն է։

Եթե Ձեր երեխայի մոտ նկատում եք վերը նշված ախտանիշներից մեկը կամ մի քանիսը, ապա մի՛ հետաձգեք այցը մանկական ներզատաբանին՝ «Վարդանանց»-ի Նանսեն մասնաճյուղում։

Վաղ ախտորոշումն ու ճիշտ բուժումը կօգնեն խուսափել հնարավոր բարդություններից և ապահովել երեխայի առողջ զարգացումը։

Այցելության գրանցվելու համար զանգահարեք՝ +374 11 59 21 00: