Հոդվածներ

Հայաստանի պետական տնտեսագիտական համալսարանի աշխատակիցներն այժմ հաստատ գիտեն՝ զննության համար ընդամենը մի քանի րոպե տրամադրելը ներդրում է երկար և առողջ կյանքի համար։

Դեկտեմբերի 10-ին համալսարանում տեղի ունեցած հանդիպման ընթացքում «Վարդանանց»-ի մամոլոգիական ծառայության ղեկավար Ներսես Բերբերյանը պատմեց կարևոր, բայց պարզ քայլերի մասին, որոնք կարող են փոխել ճակատագիրը։

Նա խոսեց ժամանակակից կանխարգելիչ միջոցների և ախտորոշման մեթոդների մասին, որոնք օգնում են կրծքագեղձում տեղի ունեցող փոփոխությունները հայտնաբերել ամենավաղ փուլերում, երբ դրանք առավել կառավարելի են։

Նա նաև ներկայացրեց, թե ինչպես ճիշտ իրականացնել կրծքագեղձի ինքնազննումը և ինչո՞ւ է կարևոր առաջին կասկածելի նշանների դեպքում չհետաձգել բժշկին դիմելը։

Մասնագետները հիշեցնում են․ 40 տարեկանից բարձր կանայք պետք է տարին մեկ անգամ անցնեն մամոգրաֆիա, իսկ երիտասարդ կանանց խորհուրդ է տրվում պարբերաբար անցնել կրծքագեղձի ուլտրաձայնային հետազոտություն։

Մամոգրաֆիկ հետազոտության գրանցվելու համար զանգահարեք +374 11 59 21 00 համարով։