Հոդվածներ

«Վարդանանց» ՆԲԿ-ի գլխավոր տնօրեն Լևոն Ալթունյանի շնորհավորական ուղերձը՝ բուժաշխատողի օրվա առթիվ

Սիրելի վարդանանցցիներ,

ջերմորեն շնորհավորում եմ ձեզ մասնագիտական տոնի, բուժաշխատողի օրվա կապակցությամբ:

Այս օրն ընդգծում է, թե որքան անհրաժեշտ ու անգնահատելի եք Դուք բոլոր այն մարդկանց համար, ում ապաքինման հույսը Ձեր հմտությունն ու գիտելիքներն են։

Ձեզանից յուրաքանչյուրը կարող է հպարտանալ իր կոչումով՝ իմանալով, որ «Վարդանանցը բուժում է» կարգախոսը կյանքի է կոչվում Ձեր ամենօրյա աշխատանքով:

Գործելակարգերի իմացության թեստերը, հետադարձ կապը, կլինիկական կոնֆերանսները, կոնսիլիումները, մասնագիտական աճի անհատական պլանները, ծառայությունների և բուժման որակի վերահսկման գործառույթներն անընդհատ բարեփոխում են կենտրոնի բովանդակությունը՝ բարձրացնելով հանրության վստահությունն ու հարգանքը:

Շնորհակալ եմ բոլորիդ միասնական ջանքերի համար։ Դուք ամեն օր աշխարհը դարձնում եք ավելի առողջ, և հետևաբար՝ երջանիկ:

Մաղթում եմ Ձեզ մասնագիտական շարունակական վերելք, բարեկեցություն և ընտանեկան անդորր:

«Վարդանանց» ՆԲԿ-ի գլխավոր տնօրեն՝ Լևոն Ալթունյան