Հոդվածներ
Շաքարային դիաբետը էնդոկրին հիվանդություն է՝ պայմանավորված արյան մեջ գլյուկոզայի յուրացման խանգարմամբ, ինչի պատճառով առաջանում է գերշաքարություն՝ հիպերգլիկեմիա (արյան մեջ գլյուկոզայի քանակի կայուն բարձրացում)։
Դիաբետի հետևանքով կարող են առաջանալ տեսողության, սրտանոթային համակարգի, երիկամների ֆունկցիայի հետ կապված խնդիրներ, ոտքերի արյան շրջանառության խանգարումներ։
«Դիաբետի առաջացման գլխավոր գործոններից է ժառանգականությունը, սակայն որոշիչ դեր ունի նաև ապրելակերպն ու սննդակարգը։ Օրինակ՝ ճարպակալումը ռիսկի գործոն է և կարող է նպաստել երկրորդ տիպի շաքարային դիաբետի առաջացմանը», - նշում է էնդոկրինոլոգ Հասմիկ Մանուկյանը։
Տիպ 1 դիաբետի կլինիկական ախտանշաններն արտահայտվում են սուր, բուժումն իրականացվում է ինսուլինաթերապիայով։ Այն դրսևորվում է երեխաների և երիտասարդների մոտ։
Տիպ 2 դիաբետը հիմնականում զարգանում է հասուն տարիքում, ընդ որում, երկար տարիներ այն կարող է ընթանալ առանց ախտանշանների և հայտնաբերվել սքրինինգային հետազոտությունների ժամանակ։
Շաքարային դիաբետի ախտանշաններն են՝
- չորություն բերանում
- անհագ ծարավի զգացողություն
- հաճախամիզություն
- քաշի կորուստ կամ ավելացում:
Այս դեպքում անհրաժեշտ է դիմել մասնագետին, քանի որ նախադիաբետային փուլում սննդակարգի անհրաժեշտ փոփոխությունը և ֆիզիկական ակտիվությունը կարող են կանխել շաքարային դիաբետի զարգացումը։
Հայերեն 
Русский 
English