Դենսիտոմետրիա՝ օստեոպորոզի վաղ հայտնաբերում

Դենսիտոմետրիան ոսկրային հյուսվածքի խտությունը գնահատելու ոչ ինվազիվ հետազոտություն է, որի օգնությամբ՝

• գնահատվում է ոսկրերի հանքային խտությունը,
• ախտորոշվում է օստեոպորոզը,
• վերահսկվում է նշանակված բուժման արդյունավետությունը։

Ի՞նչ է օստեոպորոզը

Օստեոպորոզը ոսկրային համակարգի հիվանդություն է, որի դեպքում ոսկրերը կորցնում են իրենց խտությունը, դառնում ավելի փխրուն և զգալիորեն մեծանում է կոտրվածքների վտանգը։

Ե՞րբ է անհրաժեշտ դենսիտոմետրիա կատարել

Կանխարգելիչ նպատակով

Հետազոտությունը խորհուրդ է տրվում, եթե առկա են հետևյալ ռիսկի գործոնները․

• 65 և ավելի տարեկան կանայք,
• 70 և ավելի տարեկան տղամարդիկ,
• վաղ կամ հետդաշտանադադարային շրջան,
• նստակյաց կենսակերպ,
• անբավարար մարմնի քաշ,
• կալցիումի և վիտամին D-ի ցածր մակարդակ,
• հորմոնալ խանգարումներ,
• էնդոկրին համակարգի հիվանդություններ,
• մարսողական համակարգի հիվանդություններ,
• ռևմատոլոգիական հիվանդություններ,
• երիկամների հիվանդություններ,
• հորմոնալ դեղամիջոցների երկարատև ընդունում։

Ախտորոշիչ նպատակով

Դենսիտոմետրիան ցուցված է, եթե առկա են․

• մշտական ցավեր գոտկային շրջանում,
• առանց ակնհայտ վնասվածքի առաջացած կոտրվածքներ,
• հասակի նվազում 2–3 սմ և ավելի,
• կեցվածքի խանգարում կամ ողնաշարի դեֆորմացիա։

Ինչպե՞ս է կատարվում հետազոտությունը

• չի պահանջում հատուկ նախապատրաստություն,
• անցավ և անվտանգ է,
• տևում է մոտ 20 րոպե,
• հնարավորություն է տալիս վաղ փուլում հայտնաբերել ոսկրային խտության նվազումը։

Հակացուցումներ

Դենսիտոմետրիան հակացուցված է՝

• հղիներին,
• մետաղական ոսկրային էնդոպրոթեզներ ունեցող անձանց։

Ոսկրերի առողջությունը պահպանելու և օստեոպորոզը վաղ հայտնաբերելու համար կարևոր է ժամանակին անցնել դենսիտոմետրիկ հետազոտություն։

📍 Հետազոտությունը հասանելի է «Վարդանանց» ՆԲԿ-ի Քոչար մասնաճյուղում՝ Երևան, Հրաչյա Քոչար 35/1։ 📞 Հեռախոս՝ 012 59 21 00։