Բարիատրիկ վիրահատություն՝ չափելի արդյունք և կյանքի որակի բարելավում

Այս պատմությունը միայն քաշի նվազման մասին չէ։ Այն բժշկական ճիշտ որոշման, թիմային աշխատանքի և պացիենտի կյանքի որակի իրական փոփոխության օրինակ է։

Վիրաբույժ Հակոբ Շմավոնյանի իրականացրած բարիատրիկ (ստամոքսի փոքրացման) վիրահատությունից հետո պացիենտը նիհարել է շուրջ 80 կգ։

Բարիատրիկ վիրահատությունը ցուցված է այն դեպքերում, երբ ավելորդ քաշը դառնում է առողջական լուրջ խնդիր, իսկ քաշի նվազեցման պահպանողական մեթոդները բավարար արդյունք չեն տալիս։ Այն կարող է դիտարկվել, երբ մարմնի զանգվածի ինդեքսը՝ BMI-ը 35 և ավելի է՝ ուղեկցող հիվանդությունների առկայությամբ։ Շատ դեպքերում ճարպակալումն ուղեկցվում է նաև շաքարային դիաբետով, զարկերակային գերճնշմամբ, քնի ապնոեով, հոդացավերով, լյարդի ճարպակալմամբ և նյութափոխանակային այլ խանգարումներով։

Վիրահատության նպատակն է ոչ միայն քաշի նվազեցումը, այլ նաև ճարպակալման հետ կապված առողջական ռիսկերի նվազումը, շարժունակության բարելավումը և կյանքի որակի բարձրացումը։

«Վարդանանց» բժշկական կենտրոնում վիրահատությունն իրականացվում է ժամանակակից լապարոսկոպիկ մեթոդով՝ նախնական հետազոտություններից և մասնագիտական խորհրդատվությունից հետո։

Փոփոխությունը սկսվում է մասնագիտական խորհրդատվությունից․ գրանցվեք վիրաբույժի խորհրդատվության։

Հեռ․՝ 010 59 21 00