Թութք ունե՞ք․ ինչ պետք է իմանաք լողավազան գնալուց առաջ

Ամռանը պրոկտոլոգներին ամենահաճախ տրվող հարցերից մեկն է.

«Եթե թութք ունեմ, կարո՞ղ եմ լողալ լողավազանում»։

Պատասխանը շատ դեպքերում այո՛ է։ Եթե թութքը սրացած չէ, չկա ուժեղ ցավ կամ արյունահոսություն, լողը սովորաբար անվտանգ է և չի խանգարում ապաքինմանը։

Իսկ լողավազանի ջուրը վնասակա՞ր չէ

Իրականում, եթե արտահայտված բորբոքում չկա, լողավազանի ջուրը սովորաբար խնդիր չի առաջացնում։

Սակայն որոշ մարդկանց մոտ քլորացված ջուրը կարող է ժամանակավորապես առաջացնել այրոցի կամ գրգռվածության զգացողություն։ Այդ պատճառով խորհուրդ է տրվում լողալուց հետո ցնցուղ ընդունել, լավ չորացնել մարմինը և փոխել թաց լողազգեստը։

Ե՞րբ է ավելի լավ հրաժարվել լողավազանից

Ժամանակավորապես խորհուրդ է տրվում չլողալ, եթե՝

• կա ուժեղ ցավ,
• առկա է արյունահոսություն,
• վերջերս կատարվել է պրոկտոլոգիական միջամտություն կամ վիրահատություն, և բուժող բժիշկը դեռ չի թույլատրել լողալ։

Ինչի՞ց պետք է խուսափել

Եթե թութք ունեք, լողավազան այցելելիս խորհուրդ է տրվում՝

• երկար ժամանակ չմնալ թաց լողազգեստով,
• լողից հետո անմիջապես փոխել այն չոր հագուստով,
• պահպանել անձնական հիգիենան,
• օգտագործել բավարար քանակությամբ ջուր,
• օգտագործել ավելի շատ բանջարեղեն, մրգեր և ամբողջական հացահատիկային մթերքներ, որոնք նպաստում են աղիների բնականոն աշխատանքին։

Ե՞րբ դիմել պրոկտոլոգի

Եթե ցավը, արյունահոսությունը կամ անհարմարության զգացողությունը չեն անցնում, հաճախ են կրկնվում կամ խանգարում են ձեր առօրյային, մի հետաձգեք այցը պրոկտոլոգին։

Ժամանակին սկսված բուժումը օգնում է արագ վերադառնալ ակտիվ առօրյային և վայելել ամառը։ Գրանցվելու համար զանգահարեք՝ +374 (12) 59 21 00։